ROHO MKONONI (1)

JINA: ROHO MKONONI

Mwandishi: Zuberi Maruma

Alikuwa ni kijana mrefu, mwembamba, maji ya kunde, sura yake ya upole ilipendezeshwa na tabasamu jepesi lililoundwa katika mdomo wake kila mara umtazamapo,alikuwa si muongeaji ila maneno yake machache yalikuwa kivutio masikioni mwa wamsikilizaye kwa kujaa busara,hekima na hata kufuraisha pia kwa utani mwingi...

Huyu ndo John Butu Afisa wa jeshi la polisi aliyekuwa na hari,kasi na nguvu ya kulitumikia taifa lake...

Alijinyanyua kwenye kiti alichokuwa ameketi mbele ya mkuu wake akampigia saluti ya kumuaga,akageuka na kupiga hatua ndefu kuufata mlango huku akisindikizwa na macho makali ya mkuu wake,akashika kitasa akafungua mlango na kutoka akaelekea moja kwa moja mpaka ilipo gari yake binafsi akafungua mlango na kuzama ndani

Kabla ajawasha gari ghafla akashtushwa na mngurumisho wa simu yake,akasitisha kuwasha gari na kuingiza mkono wake mfukoni akatoa simu yake,akaachia mguno baada ya kuitazama namba ilompigia akakata na kurudisha simu yake mfukoni akawasha gari lake na kuliondoa eneo lile,ila akiwa njiani ghafla simu yake ikawa ikiita tena,hata alipoitazama ni namba zilezile '15551' mwanzo akuzipokea baada ya kuhisi labda ni namba za mtandao,kama si zile za kubashiri michezo,ila kitendo cha kupigiwa sana kikamtia khofu mwisho akaamua kupokea ile simu,huu ukawa ni mwanzo wa safari yake ngumu tena ya kutisha ilo ondoka na furaha yake na kumpa maumivu tele katika moyo wake,bila kusahau kumwachia majuto,..

Sauti alokutana nayo ilikuwa geni katika masikio yake,sauti nzito,ilo ongea kwa kujiamini

"bila shaka naongea na inspekta John butu.."

"yah ndo mimi sijui ni nani mwenzangu?!"

Butu akahoji huku uso wake ukionesha wazi wasiwasi na mashaka tele juu ya simu ile

"hakuna haja ya kulitambua jina langu kwa sasa ila waweza nitambua kama raia mwema,na taharifa nzuri tu kwako"

Kwa kuwa Butu alikuwa katika rafu road haraka akapaki gari yake kusudi amsikilize yule jamaa vizuri...mtu yule baada ya kimya kifupi kusudi maneno yale yasikilizwe vyema na amsikilizaye sasa akaendelea...

"Nina habari ambazo zinaweza kuwa njema kwako,pindi tu utakapoamua kuzifatilia,ila kama utoziamini na uka amua kuzipotezea pia ni juu yako"

Mtu yule baada ya kumaliza kuzungumza maneno yale akaweka tuo,bila shaka ili amsikie mlengwa wake angejibu nini,Butu baada ya kuona anasikilizwa ajibu kitu,basi naye akaona akate ukimya,

"Sawa nakusikiliza ndugu"

"Swadakta,ni kwamba kuna kiasi kikubwa cha mzigo wa unga wa madawa ya kulevya yataingia kesho na ndege ya shirika la ndege la Marekani 'British aerway' utaletwa na vijana wa tano wa kiafrika ambao wote wamevaa suti nyeusi na wamenyoa,vijana hao ushirikiana kwa ukaribu na walinzi pamoja na wakaguzi wa uwanja huo wa DIA,watu hao uwa wakishaweka mzigo yao mashine zote uzimwa hivyo kutowezesha kupiga kelele mara nyingine upeana tu ishara na wakaguzi nao uondoka bila kukaguliwa,ni watu hatari na wenye mbinu zote za mapigano..."

Mtu yule alizidi kumfahamisha inspekta yule na mwisho kukata simu,akiacha kazi kwa Inspekta kuamua kufatilia hiyo kesho au kupuuzia.

Baada ya simu kukatwa Inspekta Butu akawaza kwa sekunde kadhaa,mwisho akawasha gari lake na kuliingiza barabarani kuendelea na safari yake,kuelekea nyumbani.

Ila kichwani mwake alikuwa na maswali mengi sana akijiuliza juu ya mtu yule alojitambulisha kama 'Raia mwema' je habari zile alizo mpa ni za kweli au?!,na kama ni za kweli kwa nini mtu yule amwambie na asitake malipo yoyote?!,akakuna kichwa chake kidogo na kuachia tabasamu jepesi,akajua huyo alompigia pengine ana bifu na mmiliki wa huo mzigo ivyo kaamua kumuunguzia makusudi hili kumtia hasara wazo hili akupingana nalo kabisa,yote kwa yote akutaka kujiumiza sana kufikiria swala hilo,alichoamua ni panapo majaliwa hiyo kesho asbuh aelekee uwanja wa ndege na vijana wake wakaweke mtego...

Inspekta wa Jeshi la polisi John Butu anapokea simu kutoka kwa mtu asiyemfahamu na kumpa habari juu ya kuingia kwa madawa ya kulevya,mtu yule anamwingiza Butu katika mawazo mazito je unahisi nini kiliendelea?

Tusonge katika sehemu hii ya pili kuzidi kutiririka nayo...

Binafsi alijijua kuwa yeye alikuwa ni afisa wa jeshi la polisi ilikuwa ni lazima kufatilia kila habari atakayopewa iwe ya kweli au lah,kwa kujua ilo akajua kesho lazima atakuwa na kibarua kizito...

Akaliwasha gari lake na kuliingiza barabarani,ulikuwa kama ni mwendo wa dakika 15 ulomfikisha nje ya jumba lake la kifahari maeneo ya Tmk Vetenary.

Alipiga honi mara moja kisha geti likafunguliwa na kijana alovaa nguo za mgambo huyu ndo alikuwa mlinzi wa jumba hilo,Butu wakati anaingia alimpungia mkono mlinzi wake ishara ya kupokea salamu alopewa na mlinzi yule kwa kupungiwa mkono Baada ya butu kuingia mlinzi yule akafunga geti na kurudi eneo lake alilokuwa ameketi akanyanyua kikombe chake cha kahawa na kukiweka mdomoni.

Akapiga funda moja na kukirejesha chini,akazidi kusoma kitabu alichokuwa nacho mkononi,alikuwa ni msomaji mzuri wa vitabu vya riwaya hasa za kijasusi na leo hii kitabu kilichokuwa mkononi mwake ni kitabu cha *KUFA TU (HAKUNA NAMNA) cha mtunzi ZUBERI MARUMA

Inspekta John Butu baada ya kupaki gari lake eneo maalumu la maegesho akashuka na kuelekea upande ulipo mlango wa nyumba yake,alipofika akaufungua na kuzama ndani. Ndani pale sebuleni waliketi watoto wawili wakiangalia tv,watoto wale walifanana 'copyright' kama mapapai,usingeweza kuwatofautisha kwa mfanano ule kiumri walikuwa na miaka 19 walijaliwa sura nzuri,ucheshi kitendo tu cha kumuona baba yao wote wakainuka katika makochi na kumkimbilia baba yao wakamkumbatia.

"Shikamoo dady!"

Wote wakasalimia kwa pamoja huku wakiwa wamemng'ang'ania baba yao,

"Marhaba wanangu amjambo?!"

"hatujambo dady"

"mama yenu yupo wapi?!"

"yupo chumbani" Wakaachiana,na kurejea walipokuwa wameketi Butu akaelekea moja kwa moja chumbani...

"alice,katenge mezani uoni dady kashakuja?!"

Katika wale watoto wawili mmoja akamtuma mwenzake,baada ya kutoa kauli ile Alice aligeuza shingo na kumkata jicho kali dada yake kitendo kilicho mfanya anywee ila hakutaka kubaki kimya,

"Hata uniangalie vibaya ndo nishakwambia katenge mezani!..."

"Bwana eeh,usinipigie kelele hata wewe una mikono waweza kwenda kutenga pia si lazima mimi!"

"Nyie mnabishana nini hapo badala mtenge!" Ghafla wakashtushwa na sauti nyuma yao wote wakageuka,

Alikuwa ni mwanamke alojaliwa kila sifa ya kumwita mrembo,kwanzia weupe,urefu wa wastani umbo na hata sura,huyu ndo mama wa watoto wale na mke wa inspekta John Butu basi wakaandaa chakula mezani,John Butu alipotoka bafuni wakaketi na kula kwa furaha na upendo,hakika yeye na familia yake wali ishi kwa amani na upendo.

Baada ya chakula wakaelekea vyumbani mwao kulala wakitakiana usiku mwema watoto wakilala katika chumba chao,baba na mama nao wakaelekea katika chumba chao. Mngurumisho wa alamu aloitegesha katika simu yake ilimuamsha,alipotupa macho yake ukutani kulipokuwa na saa ilikuwa ni saa kumi na mbili kamili akawasha redio yake kusikiliza bbc hii ilikuwa ndo kawaida yake,baada ya kuamka asikilize amka na bbc kisha kumepambazuka na mwisho taharifa ya habari,ya saa moja,hapo ndipo atoke kitandani akakoge anywe chai saa mbili ndo atoke kuelekea kazini ambapo kwa kuwa alikuwa na usafiri na kituo chake cha kazi hakikuwa mbali muda mfupi tu alikuwa akifika kazini...

Hivyo siku hii baada ya kufika kazini alionana na mkuu wake na kumpa taharifa aloipata jana yake juu ya mtu yule alompigia simu kamishna Nurdin akampa askari kadhaa kwa ajili ya kuelekea huko uwanja wa ndege kuisubir hiyo ndege aloambiwa ingeingia saa tano,wakiwa katika nguo za kiraia kama vile wanasubiria wageni wao pale uwanjani zikiwa zimebakia dakika tano ndege kuwasili ghafla simu ya Inspekta Butu ikaita tena,akaitoa,alishtuka baada ya kuona namba ilompigia,aikuwa namba geni kwake '15551' ni namba ilo mpigia jana jioni kumpa habari ilo mfanya muda ule kuwa pale,haraka akaipokea,Kwanza kilitangulia kicheko kizito!,

"Ha ha ha ha ha Butu nafrah kwa kufatilia kile nilichokwambia bado dakika chache ndege iwasili,kuwa makini na watu hao si wakawaida na wanamtandao mkubwa jipange vizuri na vijana wako,"

Baada ya maneno yale simu ile ikakatwa pasina mtu yule kuhitaji jibu lolote kutoka kwa Butu,kitendo hiki kikazidi kumpa mashaka Butu juu ya mtu huyu,maswali kibao yakatawala katika kichwa chake,je mtu yule alikwepo pale uwanjani au?!,kwa nini ampigie kwa namba maalumu?!,ni nani hasa?,ila hakupata wasaha wa kutafakari zaidi baada ya ndege ile kuwasili,ikatua na kwenda kusimama eneo lake mlango ukafunguka watu wakaanza kushuka,wenyeji wao wakijisogeza kuwalaki wenye kukumbatiana wakikumbatiana,wakati askar wale wakitazama walokuwa wakishuka ghafla akashuka jamaa mmoja kweli alikuwa kavaa suti nyeusi mkononi hakuwa na kitu akaenda na kuongea na mtumishi mmoja wa pale ghafla akarudi ndani.Butu alitazama tu,mtumishi yule alienda akazungumza na wenzake ndani ghafla akatoka,sasa watu wale watano wakiwa katika suti nyeusi wakashuka mkononi wakiwa na mabegi makubwa ya kuwekea nguo,wakaweka katika eneo la kupimia wakaenda kuchukua upande wa pili,yani walikaguliwa kama abiria wengine mwisho wakachukua mabegi yao tayari kwa kuondoka,kabla Butu na wenzake kuwafata na kuwaweka chini ya ulinzi wakaonesha vitambulisho vyao na kuhitaji kukagua mizigo..

Kitendo cha kufungua mabegi yale hawakuamini walichokikuta ndani!,pakiti za unga wa madawa ya kulevya yalijaa ndani ya mabegi yale makubwa,palepale wakawekwa chini ya ulinzi,pamoja na watumishi wa pale 'earport' kwa kuwa gari yao awakupaki mbali wakamshtua dereva akaisogeza karibu watuhumiwa wakaingizwa ndani baada ya kunyang'anywa silaha landrover ile ya polisi ikiwa na watuhumiwa ndani ikaanza kutoka uwanja wa ndege huku waandishi wakipiga picha aikujulikana walifika saa ngapi,ila tayari habari zile zilishazagaa...