MTAA WA TATU (16)

JINA: MTAA WA TATU

Mwandishi: Hafidhi J Ikram

Watu walicheka na kusema

Kidevu leo kawa kitobo anachomwekwa tu, baada hapo akaenda kudeki choo

kisha akafagia uwanja

Akachukuwa takataka na kwenda kuzimwaga shimoni

“baby kumbe wee noma ehee?"

“unoma wangu nini tena".....

“mi nilijuwa kitandani tu kumbe hadi kupigana kibabe unaweza

sasa nitatembea kifua mbele keko nzima wataisoma number"...

Hafidhi akacheka sana na kutoka nnje

akaingia kitaa kila sehemu akakuta imebandikwa picha yake

ajabu kila anaekutana nae amsitukii kama ndio yeye,

Akadata si kidogo na kujiuliza inakuwaje

au watu hawajui kufananisha nini?

Akaingia sehemu moja hivi na kukuta

washkaji wakibishana

“wewe huyu jamaa ni mashine yani kawafinya polisi sijui wangapi peke yake

kisha akasepa huyu noma.

“ndio noma lakini kauwa kibaya zaidi Baba yake ni mkuu wa majeshi nchini itakuwaje hapo?"

“tambua kitu kimoja Mwanajeshi ni baba yake sio mwanae akikamatwa sheria itafata mkondo wake vilevile kama kufungwa atafungwa kama kunyongwa atanyongwa tu"

Hafidhi akaingilia kati kwa kuuliza

kwani huyo polisi aliyeuwawa

ana familia au?

“ndio inavyosemekana ameacha mke na watoto wawili anaishi Yombo vituka"

Kijana mmoja alijibu hivyo

pasipo kufahamu kama ile picha aliyoishika ya huyo aliyeuliza swali,

kuna kitu akaweza kuhisi akakumbuka maneno ya yule bibi kwamba yeye ni Jinni. Akaguna na kuondoka zake

njia nzima alikuwa na maswali

chungu nzima

asiweze kupata majibu.

Kwani sura yangu imekuwaje mpaka watu wanashindwa kufahamu kama mimi ndio ninaetafutwa na polisi

kuna sehemu kulikuwa na

Gari imepaki

basi akaenda mpaka saitmira ilipo akajitizama kwenye

kioo kisha akacheka na kusema kumbe duniani kuna watu mafala ehee

sasa mbona niko vilevile.

Wananiogopa nini?

Kisha huyoo akaondoka zake

“Habiba mwanangu hutakiwi kulia

Subiri nikusimulie

story ya maisha yangu nimepitia

vikwazo vya kila aina.

Sikukata tamaa nikasimama imara nikapambana juu chini mpaka

leo hii nimefika hapa".....

Wakati anataka kumsimulia story ya maisha yake na

Hafidhi ndio anaingia

“whao mume wangu

Chanduka huyoo,

basi akamkumbatia na kwenda kukaa karibu ya

Habiba akamuuliza

“unalia nini tena my sister?"

“nalia kwa sababu ya kukumbuka

mambo mengi sana

Ghafla sauti ikasikika nnje ikiita

“mama Asia toka nnje uone"....

si akatoka

kumbe kidevu kaenda kukusanya masela wake

kaja nao. Mama

Asia akajuta kwanini katoka ndani akabaki kutetemeka tu

mmoja kati ya wale vijana akaja na kutaka kumshika

Zuwena

ile kanyoosha mkono kabla hajamshika

Akashtukia anadakwa yeye na kupigwa ngumi

Ya uso akisindikizwa na teke

Hafidhi akasema

“baby kaa pembeni

niwaonyeshe shoo ya kibabe

watoto wa malaya

Hawa akakaa

Style ya ajabu mpaka upepo ukavuma.

Ha!ha!ha!ha! haka kajamaa kinajifanya

Jack Chan kwanza muoneni amekaa kama anataka kunya vile"...

Ilikuwa kauli ya mmoja kati ya wale vijana akimcheka

Hafidhi kwa jinsi alivyokaa ile stance.

Mwingine akasema

“ajifanye Jet le, Bluce Lee, Donny Yen, sisi tunatwanga tu mapicha yake ya kugeza apeleke huko.

Kwanza Tanzania na karet wapi na wapi

wabongo style zetu mawe"....

Hafidhi akatulia kimya kisha akapaza

sauti kwa kusema

“njooni sasa naona mnaongea saana"

Ghafla mmoja kati yao akarusha jiwe

Mwanaume akafutuka na kulipiga teke

kitu kikarudi kilipotoka na kwenda kumpiga usoni yule jamaa

kitu tiihii"....akayumba na kurushwa hewani wenzake wakashanga kitendo kile

Hafidhi ameshaingia kati,

sasa ikawa balaa asikwambie mtu

mtu anapigwa ngumi ya koromeo

ubwabwa anaita bwabwa,

Maji anaita mma Kidevu baada kuona mambo magumu mbona akatafuta sehemu ya kukimbilia

vichana kama sita wakachakazwa vibaya sana ndani ya dakika saba wako hoi.

“duhuu kweli huyu mwanaume wa shoka

watu sita wenye siraha ameweza kuwadhibiti peke yake

miujiza hii"

“sio miujiza ni kitu ambacho kinawezekana kama utakuwa umepitia mafunzo, kijana kama huyu ni hadhina tosha kwa nchi yetu.

Anaweza kuingia Jeshini na

kuwafunza vijana wetu

mbinu za mapambano kwa kifupi anatisha si kidogo"

Kila mmoja akabaki kumwagia sifa kedekede Hafidhi kwa kuwachakaza vibwengo wale.

Wakaondoka huku wakichechemea

“kazi nzuri baby mmwaaa,,,,,,

Zuwena akaenda kumkumbatia kipenzi chake na kumbusu mdomoni kisha wakaingia ndani,

Habiba alikuwa anacheka tu mpaka sura yake nzuri ikaanza kuonekanika

“mbona unacheka my dear sister vipi tena?"

Hafidhi alimuuliza

Habiba baada kuona ana furaha,

“hapana nimeweza kufurahi

baada kugundua wewe ndio mtu sahihi ambaye umeletwa kwa ajili ya kutatua matatizo yangu.

Naimani kila kitu kitaisha itabaki history tu

Asante Mungu hakika sitolia tena.

Siku zote niliomba usiku na mchana nililia mpaka machozi yalinikauka hakuna wa kunifuta.

Sasa shujaa kapatikana kwa uwezo wako na Niko radhi kumwambia ukweli wote"

Habiba aliongea hivyo uso wake ukiwa na tabasamu la machozi.

Zuwena akasema

“Habiba utakiwi kulia tena kwasasa mimi ndio mama yako utaishi hapa kwa furaha upendo na amani,

Vyote hivyo vipo ndani ya nyumba hii usilie tena.

Subiri nikupe historia ya maisha yangu.

Siku zote maisha ni safari ndefu kuna mirima na mabonde, nilipokuwa na umri wa miaka nane niliweza kushuhudia

Mara kibao mama yangu akilia.

hakulia kwa kujionesha kwa watu, alikuwa akijifungia chumbani na kulia kimya kimya.

sikuwai kumuona mama yangu akilia hata siku moja.

Basi siku hiyo nikiwa natoka kucheza niliingia ndani kwa ajili ya kunywa maji, nikaweza kusikia sauti ya kwikwi ikimaanisha yakwamba kuna

mtu analia, basi nikanyata na kuchungulia chumbani kwa mama.

Ni kweli alikuwa ni mama ndie anaelia.

Nikaingia chumbani nikamshika kichwani na kumuuliza mama unalia nini?

ajabu mama yangu akajifuta machozi na kutabasamu kisha akanishika na kunikumbatia akasema

“Zuwena mwanangu mimi silii kabisa

silii mwanangu twende nikakuandalie chakula uweze kula"

Nilishangaa sana, inakuwaje nimuone na kumsikia akilia alafu akatae kwamba alii

nikaja kuamini kitu kimoja

kwenye vifua vya mama zetu kumebeba siri nzito sana.

Usione mtu anafurahi nawe anacheka nawe kumbe ni mtu wa kulia kila siku

majumba yetu ni kama kaburi la muda tu

siku ambayo navunja ungo mama akaniambia

“Zuwena mwanangu umekuwa sasa subiri uyaone

sikuweza kufahamu niyaone nini

nikaja kupata mpenzi akanitoa usichana wangu, na kuniahidi atakuja kuniowa

Kumbe nia yake ilikuwa ni kunichezea tu

akanitumia vya kutosha nikaja

kupata mimba akaniambia nitoe

hakika niliogopa sana kufanya kitendo kama hicho

yani nikiuwe kiumbe kisichokuwa na hatia.

Nikapingana nae kwa kumwambia

sitaki, kumbe akapanga mipango yake

mwenyewe siku hiyo akanipigia sehemu na kuniambia kwamba anaumwa.

Nikafanya haraka kwenda kumuona

nikamkuta kalala nikajuwa kweli anaumwa kumbe walaa

nikamsindikiza hadi hospitali

kufika huko ajabu nikashikwa mimi

na kwenda kutolewa mimba

Binafsi nilijisikia vibaya sana nikatokea kumchukia kila mtu, nikaja kupata pigo kubwa sana baada mama yangu

kufariki

Nililia sana baba akaleta ndugu zake tuje kuishi wote pale nyumbani nikaja kushika mimba ya kijana mwingine

Ndugu wakanifukuza

sikuwa na jinsi zaidi ya kwenda kwa mwanaume wangu nae akanipokea kwa mikono miwili tukaanza maisha mapya ni

Mwanaume ambaye alikuwa anapenda ngono kuliko kula

akinikuta jikoni anataka sijui chooni nimeenda kunya anakuja kunifanya

Zuwena nikaanza kukonda na kitumbo changu

Mungu si Athumani nikaja kujifungua mtoto wa kike nikampa jina la

Asia ni jina la marehemu mama,

Mtoto bado mchanga akawa anataka tu.

nilimsihi kwa kumwambia mpenzi hata siku za kukandwa maji bado subiri nipone,

hakutaka kusikia hilo, wala kama tutambemenda, usiku alitumia nguvu kuniingilia nililia sana kwa maumivu niliyoyapata,

maisha yakazidi kusonga huku nikipata mateso ya kila aina kupigwa kutukanwa kulala na njaa yote yalikuwa majanga yangu

Nikaja kushika mimba nyingine

hii nilijuta kuzaliwa kabisa kwani siku

ambayo najifungua ndio siku niliyo fukuzwa kama mbwa ndani ya chumba cha bwana yule nililia na kumuuliza

David nimekukosea nini mimi unanifukuza nikiwa katika hali hii nitaenda wapi mimi"...

kumbe alikuwa kashapata mwanamke mwingine

yule Dada akatoka na kuniambia

“kama zama zako zimekwisha chukuwa time we malaya achia number tucheze

usajili mpya kama haitoshi akanimwagia maji ya moto hakujali kama nimebeba mtoto

mchanga,

siku zote uchungu wa mtoto aujuwae mzazi

hasira zikanishika nilimuweka

Zubeda chini nikamvamia yule

Dada na kuanza kupigana nae, David akaja kuingilia kwa kunipiga mimi

alinipiga sana kama ingekuwa sio wasamalia wema angeniuwa,

wakaja kumshika kisha nikachukuliwa mimi na wanangu

mzee mmoja akaniuliza

“Binti nyumbani kwenu wapi?

nikamjibu sina kwetu sina pa kuishi baba yangu"

Yule mzee akaniambia kwakuwa leo ni Ijumaa itabidi twende msikitini nitakuombea michango ili upate sehemu ya kujihifadhi ndani ya siku mbili tatu,

nikaenda msikitini japokuwa nilikaa nnje

Asia ndio kwanza ana umri wa mwaka mmoja na nusu nae anataka kunyonya, baada kuswali yule mzee akasimama na kusimulia historia yangu

japo kwa ufupi tu kila mtu aliguswa na kilio changu, na kutoa kidogo

kikubwa alichokuwa nacho kila aliyetoka msikitini akaja kunipa pole

na kusema hakika Mwenyezi Mungu ana makusudio yake,

hatimae nikaja kukabidhiwa kiasi cha pesa

kama laki Tisa waislamu walijichanga

kama haitoshi kuna baba mmoja akatangaza kwa kusema

“mimi najitolea kumpa nyumba yangu moja kati ya nyumba saba ninazo miliki huyo dada

Takbir ikasikika

Mbele ya mashekhe na waumini wengine

pamoja na mjumbe wa nyumba kumi

na serikali za mitaa nikakabidhiwa hati miriki ya nyumba hii sikuweza kuamini

Nikapiga goti chini na kuamini

Kweli Mungu ni mwema

yule mzee nikamthamini kama Baba yangu

Baba nae akaja kuniomba msamaha

kila kitu kikawa kimekwisha nilifungua mitaji ya biashara nyumba nikaongeza mabanda ya uwani nikapata wapangaji

Asia na Zubeda wakasoma

mpaka kufika chuo kikuu kila mmoja yupo kwake anajitegemea.

Habiba kuanzia leo nakuchukulia kama binti yangu, utakiwi kukata tamaa kabisa

unaweza kusononeka kwa kukosa

Chakula cha mchana,

kumbe mwenzako analia kwa kutokula siku nzima,

hiyo ndio historia ya maisha yangu japo kwa ufupi".....

Habiba machozi yakamtoka na kusema

“pole sana mama

hakika umepitia matatizo makubwa sana"

Hafidhi akauliza

“je huyo mwanaume yuko wapi kwa sasa?

Habiba hiyo barua aliyokupa

marehemu mama yako iko wapi?"

yani akauliza maswali kwa wote wawili

Zuwena akajibu

“ndio huyo mwanaume yupo

anaishi tabata bima,

Habiba nae akajibu

“barua ipo chumbani kwa kina

Nuiya watoto wa yule mama kusema kweli siwezi kuipata"

“kwanini usiipate?"

Hafidhi akauliza hivyo,

“siruhusiwi kuingia ndani ya chumba kile tokea mama yangu afariki kile chumba nikanyang'anywa na kuambiwa niwe nalala stoo"